నిజాలన్నిటికి బ్రతుకు తెరువు
కరువయ్యింది కాబోలు...
అబద్ధపు ముసుగు
అరువు తెచ్చుకుంది..
***********
రాత్రి లోని ముగ్ధత్వం
కలయై జోకొట్టింది కాబోలు....
చిరునవ్వుల వేకువ వేచివుంది
విరిసిన మోముకి హారతినివ్వ....
***************
విరబూసిన చెట్టు నీడన
గుబులును పాతిపెట్టి వచ్చా
అదేమి చిత్రమో
చీల్చుకుని వచ్చి మ్రానై
తన నీడకు రారమ్మని పిలిచే.,
****************
బంధాలు .. బాంధవ్యాలు
వినడానికి ఇంపుగా....
నిలుపుకోడానికి కష్టంగా ...
అయినా...
కాలదన్నుకోకున్నా...
కావాలనుకున్నా....
కాలం ఒడిలో కనుమరుగైతాయి..
