ఎవరిని ద్వేషించాలి

ఒక్కసారి వెనుదిరిగి చూడండి
సతమతమవుతూ వంటగదిలో
గడిపే అమ్మ చెప్పని కష్టం..
కూర్చున్న చోటుకి కాఫీ గ్లాసు
అందించే చెల్లి మనసు కష్టం...
పేరుతో పిలవబడని భార్య
మనసులోని కన్నీళ్ల వెనుక కష్టం..
అబ్బో అందరూ ఆ ఇంటి మహారాణులే...

అయినా ..
అందరూ ఉపన్యసించే వాళ్లే
తప్పు జరిగిందంటూ ఆక్రోశించే వాళ్లే
అందరూ మహానుభావులే కదా..

ఆ మహానుభావులను కన్నతల్లులు
అందరూ దేవతలే అయిఉండాలి...
వాళ్ళ ఇంటిలో వాళ్ళందరూ
కరుణామయులే అయ్యితీరాలి...

మరి ఇంతకూ
బలి చక్రవర్తులు ఎవరో
ఆనవాళ్లు దొరకడం లేదు

ఇంతకూ...ఇప్పుడు
ఎవరిని ద్వేషించాలి
మనుషులంతా
ఎన్ని రంగుల
దుప్పట్లు కప్పుకున్నారో అందంగా...