నువ్వు నాకు ఎంత తెలుసు అని
అతన్ని పదేపదే విసిగిస్తాను..
అతని జవాబు చెప్పి చెప్పక ముందే
నాకు తెలిసినంత చాలని వారిస్తాను...
అతనో పూల పరిమళం
అరుదైన కలల చిత్రం ....
అతను నా నీడ సవ్వడి
ఓ మోహపు రాగం ...
అయితేనేం...
అతను నా బందీ అన్న ఊహ మెదలగానే
అతని స్వేచ్ఛకై మది తిరుగుబాటు చేస్తుంది
ఇంకేముంది.....
నాలోని అతనితో
పదేపదే వాదిస్తాను..
నన్ను వదిలివెళ్ళమని
శోకదేవతనై వేదిస్తాను..
ఇంతకూ..
ఎవరితను
నా నిదురలోని
మెలకువే కదా....