వానకురవని రాత్రి

వానకురవని రాత్రి
రెండు కాగితపు పడవలు చేశాను

ఎంత వెతికినా
రెండో పడవ దొరకలేదు
వెతుకుదాం ... కాస్త రావోయి

అయ్యో
నవ్వులాటేమీ కాదు
ఆకతాయితనము అసలే కాదు

అయినా
నిన్ను పిలవాలంటే
సాకులు ఏమైనా చెప్పాలా
కథలేమైనా అల్లాలా

రా... వచ్చి ఇటువైపు కూర్చో
కాఫీ, నాలుగు కబుర్లు చెప్పుకుందాం
తీరుబడిగా చేయి చేయి పట్టుకొని
సముద్రతీరం వెంబడి వెతుకుదాం

ఓహ్
నీ స్పర్శ వేల ఆకాశాలను
పట్టుకంబలిగా చేసిందేమో
తేనె చుక్కల నిదురేదో
మగతగా చెంత చేరుతుందిరా

ఓయ్
నిజం చెప్పు
యుగాలనాటి కలత నిదురలోని
కల నువ్వే కదూ....