ఇతను ఎంతో పొదుపరి

అబ్బో
ఇతను ఎంతో పొదుపరి
అన్నిటికంటే మాటల్లో మరింత

ఇదేమి చిత్రమో
ఈమధ్య
పంచిన నాలుగు మాటలు
వెనక్కు తీసుకోవడమూ వచ్చింది..

విని వినిపించకుండా అంటాడా!!
ఏమిటంటూ వెనుదిరిగితే
ఏమీ లేదంటూ నవ్వుతూ దాటేస్తాడు

అన్నమాట వినిపించక
అన్నది ఏమిటో తెలియక
ఈ పొదుపరితో...
చిక్కటి చిక్కుముడిలా
అక్కడే ...... చిక్కుకుపోతాను రోజంతా

ఓయ్ ..
నిజం చెప్పు
ఇందులో తిరకాసు కథలేమి లేవు కదా