ఓయ్
నిదురించే వేళ
నీ చేతికి గోరింటాకు పెడితే
పండిన నీ చేతి గురించి చెప్పుకునే
నీ మాటలు ఎవరికి ఎన్నో......
వెతికే నీ చూపులకు చిక్కగా
పారిపోయే నా అడుగుల దూరం ఎంతో...❤️
***********
నాకు నేనై మిగుల్చుకొని నాకోసం
సమయం దాచపడుతుంది
అతను యే వేళ వస్తాడో గానీ
నా సమయం దొంగిలించబడుతుంది
ఇప్పుడు మరింత శ్రద్ధగా
సమయం దాచపడుతుంది
నాకోసం.... అచ్చంగా నా కోసమే
********
నాలోని లోలోపలి రహస్యాలను
మోహపుగీతాలుగా ఆలపించి
నన్ను
అగాధపు జలపాతంలా
మార్చి వేయకు